नोकरी ! दहावी पास मुलांसाठी पोस्टात भरणार ३ हजार जागा


वेब टीम : मुंबई
नोकरीच्या शोधार्थ असाल तर तुमच्यासाठी आनंदाची बातमी आहे. महाराष्ट्र पोस्टल सर्कलमध्ये तब्बल ३६५० जागांसाठी भरती प्रक्रिया होत असून या भरती प्रक्रियेसाठी शिक्षणाची अट केवळ दहावी पास एवढीच आहे.

महाराष्ट्रातील तरुणांसाठी नवी मुंबई, सोलापूर, पुणे, अहमदनगर, ठाणे या ठिकाणांवर ३६५० जागांसाठी भरती प्रक्रिया होणार आहे.

यासाठी अर्जदार उमेदवाराचे वय किमान १८ वर्षे आणि अधिकाधिक ४० वर्षांच्या दरम्यान असावे, एससी आणि एसटी प्रवर्गातील उमेदवारांना वयोमर्यादेत ५ वर्षांपर्यंत वयाची अट शिथिल केली आहे.

तर, इतर मागासवर्गीय प्रवर्गातील उमेदवारांसाठीही ३ वर्षांपर्यंत वयाची अट शिथिल आहे. सर्वसाधारण प्रवर्ग, इतर मागासवर्गीय प्रवर्ग आणि ईडब्ल्यूएस प्रवर्गातील उमेदवारांसाठी परीक्षा फी १०० रुपये इतकी आहे.

तर एससी आणि एसटी प्रवर्गातील उमेदवारांना परीक्षा शुल्क नाही. उमेदवार किमान दहावी पास असणे बंधनकारक असून अर्जदाराला संगणकाचे आणि स्थानिक भाषेचे (मराठी) ज्ञान आवश्यक आहे.

ब्रांच पोस्ट मास्टर, असिस्टंट ब्रांच पोस्ट मास्टर, आणि ग्रामीण डाक सेवक पदांसाठी ही भरती होत असून अधिकृत संकेतस्थळावर एक नोव्हेंबरपासून अर्ज भरण्याच्या प्रक्रियेला सुरुवातही झाली आहे. ३० नोव्हेंबर २०१९ अर्ज भरण्याची शेवटची तारीख आहे.

0/Post a Comment/Comments

Previous Post Next Post