नागरिकत्व कायदा आंदोलन : प्रसिद्ध इतिहासकार रामचंद्र गुहा यांना अटक


वेब टीम : बेंगळुरू
सुधारित नागरिकत्व कायद्याविरोधात रस्त्यावर उतरलेले इतिहासकार रामचंद्र गुहा यांना पोलिसांनी बेंगळुरूमधून ताब्यात घेतले. नागरिकत्व कायद्याला विरोध दर्शवणारे फलक दाखताना पोलिसांनी त्यांच्या हातांना खेचत, त्यांना ओढत अटक केली.

पोलिसांची ही दडपशाही असल्याचे सांगत देशभरात आंदोलनकर्त्यांनी याचा निषेध केला. गुहा यांच्याबरोबर अरुंधती रॉय, देवदत्त पटनायक यांसारख्या बऱ्याच प्रसिद्ध लेखक मंडळींनी या कायद्याविरोधातील आंदोलनांमध्ये भाग घेतला आहे.

आज सकाळी बेंगळुरूच्या पोलीस आयुक्तांनी आंदोलनकर्त्यांना सहकार्य करण्याचे, तसेच आंतरराष्ट्रीय ठिकाणांवर शांतता राखण्याचे आवाहन केले होते. त्यावर इतिहासकार गुहा यांनी आपले मत व्यक्त केले होते.

‘प्रिय पोलीस आयुक्त, तुमच्या सरकारच्या निर्णयामुळे आंतरराष्ट्रीय ठिकाणांना विद्रुप करून टाकले आहे’, अशा शब्दांत गुहा यांनी पोलीस आयुक्तांना उत्तर दिले होते. भारतीय राज्य घटनेच्या तत्त्वांचे रक्षण करण्याची भूमिका घेणाऱ्या सर्वच आंदोलकर्त्यांचे हे शांततेच्या मार्गाचेच आंदोलन होते.

तुम्ही आम्हाला आणि आमचा आवाज दडपण्यासाठी वसाहतवादी युगातील कायद्याचा वापर केलात, असेही गुहा यांनी पोलीस आयुक्ताना उत्तर देताना म्हटले आहे.

कर्नाटकात नागरिकत्व कायद्याविरोधात कोणत्याही प्रकारे आंदोलन करण्यास पोलिसांनी परवानगी दिलेली नाही. हा आदेश देत असताना पोलिसांनी बेंगळुरू शहरात आणि राज्यातील इतर भागांमध्ये जमावबंदी लागू केली.ही जमावबंदी सकाळी ६ ते डिसेंबर २१ च्या मध्यरात्रीपर्यंत लागू असणार आहे.

इतिहासकार रामचंद्र गुहा यांनी आज पहाटे ट्विट करत महात्मा गांधी यांच्या सन १९१९ मधील वचनाचा उल्लेख केला. हिंदु आणि मुस्लिमांनी एकाच मातापित्याच्या मुलांप्रमाणे वागावे असे महात्मा गांधी म्हणाले होते.कर्नाटकातील आंदोलनामागे काँग्रेस असल्याचा थेट आरोप कर्नाटकाचे मुख्यमंत्री बी. एस. येडियुरप्पा यांनी केला आहे.

यू.टी.खट्टर यांच्यासारख्या व्यक्तींमुळे कर्नाटकात अशी स्थिती झाली असल्याचे येडियुरप्पा म्हणाले. मुस्लिमांची काळजी घेणे ही आमची जबाबदारी आहे. सर्वांनी शांतता राखावी, असे आवाहन करतानाच काँग्रेसने जर अशा आंदोलनांना सहकार्य करण्याचे सुरू ठेवले, तर त्यांनी त्याच्या परिणामांसाठीही तयार राहावे, अशा इशाराही येडियुरप्पा यांनी दिला.

0/Post a Comment/Comments

Previous Post Next Post