वेब टीम : इस्लामाबाद काश्मीर प्रश्नावरून पाकिस्तानने कुरघोड्या करणे सुरूच ठेवले असून ऑलिम्पिक स्पर्धेच्या निमित्ताने याचा पुन्हा एकदा प...
वेब टीम : इस्लामाबाद
काश्मीर प्रश्नावरून पाकिस्तानने कुरघोड्या करणे सुरूच ठेवले असून ऑलिम्पिक स्पर्धेच्या निमित्ताने याचा पुन्हा एकदा प्रत्यय आला आहे.
ऑलिम्पिकसाठी पात्र ठरवण्यात आलेल्या पाकिस्तानच्या एका घोडेस्वाराने आपल्या घोड्याचे नाव ‘आझाद काश्मीर’ असे ठेवले आहे.
पाकिस्तानी खेळाडूच्या या कृत्यावर भारताने आक्षेप नोंदवला आहे.
जपानमधील टोकियो शहरात या वर्षी ऑलिम्पिक स्पर्धा पार पडणार आहे. या स्पर्धेसाठी उस्मान खान हा पाकिस्तानी घोडेस्वार पात्र ठरला आहे.
ज्या घोड्यावर बसून उस्मान स्पर्धेत उतरणार आहे, त्या घोड्याचे नावच त्याने ‘आझाद काश्मीर’ असे ठेवले आहे.
उस्मानने ऑलिम्पिक स्पर्धेसाठी खास सरावही सुरू केला आहे.
उस्मान खान याने गेल्या वर्षी ऑस्ट्रेलियातून हा घोडा खरेदी केला आहे.
उस्मान खान वयाच्या ७ व्या वर्षापासून घोडेस्वारी करत आहे. उस्मानचे वडील पाकिस्तानी लष्करात होते.
या क्रिडा प्रकारात भारताकडून फवाद मिर्झा हा ऑलिम्पिक स्पर्धेसाठी पात्र ठरला आहे.
दरम्यान, उस्मान खान याने स्पर्धेतील आपल्या घोड्याचे नाव आझाद काश्मीर ठेवल्यानंतर भारतीय ऑलिम्पिक संघटनेने याचा निषेध केला आहे.
या प्रकाराविरोधात कायदेशीररित्या तक्रार दाखल करता येते का याचा विचार संघटना करत असून, तशी चाचपणी भारतीय ऑलिम्पिक संघटनेकडून करण्यात येत आहे.
COMMENTS