वेब टीम : दिल्ली प्रसिद्ध योगी आणि सेल्फ-रियलायजेशन फॅलोशिपचे संस्थापक परमहंस योगानंद यांच्या १२५ व्या जयंतीनिमित्त केंद्र सरकारने १२५ ...
वेब टीम : दिल्ली
प्रसिद्ध योगी आणि सेल्फ-रियलायजेशन फॅलोशिपचे संस्थापक परमहंस योगानंद यांच्या १२५ व्या जयंतीनिमित्त केंद्र सरकारने १२५ रूपये मुल्याचे विशेष नाणे जारी केले.
अर्थमंत्री निर्मला सीतारामन यांनी मंगळवारी राजधानी दिल्लीमध्ये १२५ रूपयांचे नाण्याचे लोकार्पण केले. यावेळी अर्थ व कॉर्पोरेट व्यवहार राज्यमंत्री अनुराग ठाकूरही उपस्थित होते.
१२५ रूपयाच्या विशेष नाण्याच्या समोरील बाजूला अशोकचक्र हे राष्ट्रीय बोधचिन्ह आहे. हिंदीमध्ये भारत तर इंग्रजीमध्ये इंडिया सह १२५ रूपये छापले आहे.
या नाण्याचे वजन ३५ ग्रॅम आहे. नाण्याच्या दुसऱ्या बाजूला परमहंस योगानंद यांचे छायाचित्र छापले आहे. त्यासोबतच हिंदी आणि इंग्रजीमध्ये ‘परमहंस योगानंद यांची १२५ वी जयंती’ आणि त्यांच्या जन्म-मृत्यूचे वर्ष नमूद केले आहे.
३५ ग्रॅमचे हे विशेष नाणे तयार करण्यासाठी ५० टक्के चांदी, ४० टक्के तांबे, पाच टक्के निकल आणि पाच टक्के जस्तचा वापर केला आहे.
COMMENTS