अहमदनगर - डॉ. सुजय विखे यांना अहमदनगर मतदारसंघातून तब्बल २ लाख ८१ हजार ४७४ मताधिक्य मिळाले. पाथर्डी तालुक्यातून सर्वाधिक ५४ हजार ८३५ मत...
अहमदनगर -
डॉ. सुजय विखे यांना अहमदनगर मतदारसंघातून तब्बल २ लाख ८१ हजार ४७४ मताधिक्य मिळाले. पाथर्डी तालुक्यातून सर्वाधिक ५४ हजार ८३५ मताधिक्य असून दुसऱ्या क्रमांकाची ५४ हजार १४९ मते नगर तालुक्यातून मिळाली.या मताधिक्यात महाआघाडी आणि निष्ठावंत भाजपचा वाटा आहे. आमदार शिवाजी कर्डिले यांचा या यशात कोणताही संबंध नाही. त्यांना जनतेने सपशेल नाकारले, असा आरोप महाआघाडीने रविवारी पत्रकार परिषदेत केला.
नगर येथे महाआघाडीच्या पत्रकार परिषदेस शिवसेनेचे जिल्हाप्रमुख शशिकांत गाडे, नगरसेवक योगीराज गाडे, जिल्हा परिषद सदस्य संदेश कार्ले, शरद झोडगे, अनिल कराळे, काँग्रेसचे बाळासाहेब हराळ, सभापती रामदास भोर, प्रवीण कोकाटे, तालुकाप्रमुख राजू भगत, खडकीचे उपसरपंच भाऊसाहेब रोकडे, संजय कोतकर आदी उपस्थित होते.
गाडे म्हणाले, नगर तालुक्यातील गावे श्रीगोंदे, पारनेर व राहुरी मतदारसंघात विभागली गेली असल्याने नगर तालुक्यातुन नक्की किती मताधिक्य कोणाला मिळाले हे दिसून येत नाही. पण आम्ही या तिन्ही मतदारसंघातील नगर तालुक्यातील गावांची आकडेवारी बाजूला केली आहे.
श्रीगोंदे विधानसभा मतदारसंघाला जोडलेल्या गावांमधून डॉ. विखे यांना १२ हजार १०१, पारनेर विधानसभा मतदारसंघातील गावांमधून २२ हजार १३५ आणि राहुरी विधानसभा मतदारसंघातील गावांमधून १९ हजार ७२ मतांचे मताधिक्य डॉ. विखे यांना आहे.
COMMENTS