सलमान खानच्या 'भारत'ची छप्परफाड कमाई, जुने रेकॉर्ड मोडीत


वेब न्यूज : मुंबई
बॉलिवूडचा सल्लूभाई अर्थात सलमान खानचा बहुप्रतिक्षीत 'भारत' चित्रपट बुधवारी रमजान ईदच्या मुहुर्तावर प्रदर्शित झाला. ईद आणि सलमानचा चित्रपट एक समीकरणच झालं आहे. ईदच्या दिवशी प्रदर्शित झालेला सलमानचा चित्रपट हमखास हिट होतोच. याचीच काल पुनरावृत्ती झाली. त्यामुळे यंदाची ईददेखील सलमानसाठी लकी ठरली आहे. सलमान खानच्या या चित्रपटाने त्याच्याच जुन्या सर्व चित्रपटांचे रेकॉर्ड मोडीत काढले आहे.

भारत हा प्रदर्शनाच्या पहिल्याच दिवशी सर्वाधिक कमाई करणाऱ्या सलमान खानच्या चित्रपटांच्या यादीत पहिल्या क्रमांकावर पोहोचला आहे. भारतने पहिल्याच दिवशी 42.30 कोटी रुपयांची कमाई केली आहे.


प्रदर्शनाच्या पहिल्याच दिवशी सर्वाधिक कमाई करणाऱ्या सलमान खानच्या चित्रपटांच्या यादीत 'सुलतान' पहिल्या क्रमांकावर होता. सुलतानने 36.54 कोटी रुपयांची ओपनिंग मिळवली होती. परंतु हा रेकॉर्ड मोडीत भारतने 42.30 कोटी रुपयांची ओपनिंग मिळवली आहे. भारत सिनेमात सलमान सहा भूमिकांमध्ये दिसणार आहे. यामध्ये तरुण सर्कस चॅम्पियनपासून ते 60 वर्षाच्या व्यक्तीरेखेत सलमान दिसणार आहे. सिनेमात सहा दशकांचा एका व्यक्तीचा प्रवास दाखवण्यात येणार आहे. त्यामुळे सलमान सहा विविध भूमिकांमध्ये दिसणार आहे. सिनेमात सलमानसोबत कॅटरिना कैफ, तब्बू, दिशा पटानी, सुनील ग्रोवर आणि जॅकी श्रॉफ हे देखील झळकणार आहेत. अतुल अग्निहोत्री, अलवीरा अग्निहोत्री, भूषण कुमार, कृष्ण कुमार आणि सलमान खानने या सिनेमाची निर्मिती केली आहे. तर अली अब्बास जफरने सिनेमाचे दिग्दर्शन केले आहे.

0/Post a Comment/Comments

Previous Post Next Post