राधाकृष्ण विखेंचे टेन्शन वाढणार; काँग्रेस उमेदवार जाणार न्यायालयात


वेब टीम : अहमदनगर
राधाकृष्ण विखे पाटील यांनी शिर्डी विधानसभा मतदारसंघातून उमेदवारी अर्ज दाखल केला. सोबत जोडलेल्या प्रमाणपत्रावर आक्षेप घेत आज विरोधी काँग्रेसचे उमेदवार सुरेश थोरात यांनी हरकत घेतली होती.

त्यावर काल दुपारी तीन वाजेपासून शिर्डीत सुनावणी सुरू होती. राधाकृष्ण विखे पाटील यांनी सादर केलेले प्रतिज्ञापत्र अखेर निवडणूक निर्णय अधिकाऱ्यांनी वैध ठरवलं.

भाजपचे उमेदवार राधाकृष्ण विखे पाटील यांच्या अर्जावर घेतलेली हरकत फेटाळत निवडणूक निर्णय अधिकाऱ्यांनी विखेंचा अर्ज वैध ठरवलाय. मात्र हा निर्णय आम्हाला मान्य नसून न्यायालयात दाद मागणार असल्याचं काँग्रेसने स्पष्ट केलं आहे.

नोटरी करताना वकीलाचा परवाना संपला असल्याचा आरोप करण्यात आला होता. मात्र संबधित वकीलाने आपला नुतनीकरण झालेला परवाना सादर केल्याने या नाट्यावर पडदा पडला आहे.

निवडणूक निर्णय अधिकाऱ्यांनी आपला चार पानांचा लेखी निकाल संध्याकाळी जाहीर केला. यात काँग्रेसने केलेले सर्व आक्षेप फेटाळून लावत विखेचा अर्ज वैध ठरवला आहे.

निवडणूक निर्णय अधिकाऱ्यांनी दिलेला निकाल आम्हाला मान्य नसून आम्ही या विरोधात उच्च न्यायालयात जाणार असल्याचं काँग्रेसचे उमेदवार सुरेश थोरात यांनी म्हटलं. 

0/Post a Comment/Comments

Previous Post Next Post