लग्नाच्या आमिषाने महिलेवर अत्याचार

लग्नाच्या आमिषाने महिलेवर अत्याचार एमआयडीसी पोलिस ठाण्यात गुन्हा दाखल अहमदनगर प्रतिनिधी :  लग्नाच्या आमिषाने ३० वर्षीय महिलेवर अत्याचार केल्...

लग्नाच्या आमिषाने महिलेवर अत्याचार

एमआयडीसी पोलिस ठाण्यात गुन्हा दाखल

अहमदनगर प्रतिनिधी : 

लग्नाच्या आमिषाने ३० वर्षीय महिलेवर अत्याचार केल्याची घटना जेऊर टोलनाका परिसरात घडली. याप्रकरणी एमआयडीसी पोलिस ठाण्यात गुन्हा दाखल करण्यात आला आहे.

रोहिदास भागचंद पालवे (रा. कोल्हूबाई कोल्हार, ता. पाथर्डी) असे आरोपीचे नाव आहे. आरोपी पालवे आणि पिडीता हे दोघे एसटी महामंडळात कामाला आहेत. तेथेच त्याची ओळख झाली होती. त्यानंतर आरोपी पालवे याने पिडीतेला लग्नाचे आमिष दाखवून तिच्यासोबत अत्याचार केला. त्यादरम्यान, आरोपी पालवेने पिडीतेचे अश्लील फोटो काढून ते व्हायरल करण्याची धमकी दिली. तसेच यासंदर्भात कोणाला काही सांगितले तर जीवे ठार मारण्याची धमकी दिली.

 एमआयडीसी पोलिस ठाण्यात पिडीतेच्या फिर्यादीवरून आरोपी रोहिदास पालवेविरोधात गुन्हा दाखल करण्यात आला आहे. आरोपी पालवेचा शोध सुरू असल्याचे पोलिसांनी सांगितले. पोलिस उपनिरीक्षक जाधोर याप्रकरणाचा तपास करत आहे.