वेब टीम : ढाका बांगलादेशातील इस्कॉन मंदिरावर हल्ला करण्यात आलाय. ढाका इथल्या इस्कॉन राधाकांता मंदिरावर गुरुवारी रात्री जवळपास २०० जणांच्या ...
वेब टीम : ढाका
बांगलादेशातील इस्कॉन मंदिरावर हल्ला करण्यात आलाय. ढाका इथल्या इस्कॉन राधाकांता मंदिरावर गुरुवारी रात्री जवळपास २०० जणांच्या जमावाने हल्ला केला.
मंदिरावर हल्ल्यासोबतच तोडफोड करण्यात आली. या दरम्यान मंदिरात उपस्थित असलेल्या काही जणांना मारहाण करण्यात आल्याचे ही समोर येत आहे. यात अनेक जण जखमी झालेत.
स्थानिक माध्यमांनी दिलेल्या माहितीनुसार, लाल मोहन साहा रोडवर असलेल्या मंदिरावर हा हल्ला करण्यात आला. गुरुवारी सायंकाळी सात वाजल्याच्या सुमारास २०० हून अधिक जणांचा घोळका जबरदस्तीने मंदिरात घुसला
आणि त्यांनी मंदिराची तोडफोड करायला सुरूवात केली. या जमावाचे नेतृत्व हाजी सैफुल्ला याने केल्याचे समजते. मंदिरात तोडफोडीसोबतच लुटमारीचे ही वृत्त आहे.
इस्कॉन कोलकाताचे उपाध्यक्ष राधारमण दास यांनी हा चिंतेचा विषय असल्याचे म्हटले. या प्रकरणात बांगलादेश सरकारने कठोर कारवाई करावी आणि देशातील हिंदू अल्पसंख्याकांना सुरक्षा प्रदान करावी अशी विनंती आम्ही करत आहोत असे रादारमण दास यांनी म्हटले.
COMMENTS