जात पडताळणी कार्यालयात अँटीकरप्शनचा सापळा ; 15 हजारांची लाच घेताना अधिकारी जाळ्यात


वेब टीम : अहमदनगर
जात पडताळणी समिती कार्यालयात लाचलुचपतच्या पथकाने सापळा रचून एकाला 15 हजार रुपयांची लाच घेताना रंगेहात पकडले. लोकसेवक अविनाश विश्वनाथ मगर, विधी अधिकारी असे त्या अधिकाऱ्याचे नाव आहे.

सविस्तर हकिगत अशी की, तक्रारदार यांच्या पत्नीचे ओ.बी.सी. कुणबी प्रवर्गाचे जात वैधता प्रमाणपत्राचे काम करून देवून प्रमाणपत्र मिळवून देण्यासाठी आरोपी लोकसेवक अविनाश विश्वनाथ मगर, विधी अधिकारी,जिल्हा जाती प्रमाणपत्र पडताळणी समित्ती, अहमदनगर यांनी आज २७ रोजी लाच १५ हजार रुपये लाचेची मागणी केली. व आज रोजी जिल्हा जात प्रमाणपत्र पडताळणी समितीचे कार्यालय असलेल्या रेव्हेन्यू सोसायटीचे इमारतीतील तळमजल्यावर तक्रारदार यांना जात वैधता प्रमाणपत्र देवून आरोपी अविनाश विश्वनाथ मगर यांनी पंचासमक्ष १५ हजार रुपयांची लाच स्वीकारली असता त्यांना रंगेहाथ पकडण्यात आले आहे.

सदर कारवाई ही पोलीस अधीक्षक, लाचलुचपत प्रतिबंधक विभागाचे सुनिल कडासने, निलेश सोनवणे, अपर पोलिस अधीक्षक, लाचलुचपत प्रतिबंधक विभाग, अहमदनगरकडील पोलीस उप अधीक्षक हरीप खेडकर, पोलिस निरीक्षक श्याम परवरे, पोलीस निरीक्षक दिपक करांडे, पोहेका तनवीर शेख, पोना.प्रशांत जाधव, पोना रमेश चौधरी, राधा खेमनर, चालक पोहेकॉ. अशोक रक्ताटे यांनी केली आहे.

0/Post a Comment/Comments

Previous Post Next Post