ट्विटरचे नवे फिचर... आता तुमचा आवाज रेकॉर्ड करून करता येणार ट्विट....


वेब टीम : दिल्ली
माइक्रो ब्लॉगिंग प्लॅटफॉर्म ट्विटरने आपल्या युजर्ससाठी आणखी एक नवीन फीचर आणले आहे.

आता ट्विटरवर तुम्ही व्हॉइस रेकॉर्ड करुन ऑडिओ ट्विट करता येणार आहे.

सध्या हे फीचर मर्यादित युजर्ससाठी उपलब्ध असून कंपनीने iOS डिव्हाइससाठी हे फीचर रोलआउट करण्यास सुरूवात झाली आहे.

येत्या आठवड्यांमध्ये हे फीचर सर्व iOS डिव्हाइसवर उपलब्ध होईल.

अँड्रॉइड स्मार्टफोनसाठी हे फीचर केव्हापर्यंत उपलब्ध होईल याबाबत अद्याप कंपनीने माहिती दिलेली नाही.

हे फीचर लवकरच अँड्रॉइड फोनसाठीही उपलब्ध होण्याची शक्यता आहे.

व्हॉइस ट्विट करण्यासाठी iOS युजर्सना न्यू पोस्टवर टॅप करावे लागेल.

तिथे कॅमेऱ्याच्या बाजूला असलेल्या ऑडिओ रेकॉर्ड पर्यायावर टॅप केल्यास युजरला व्हॉइस नोट रेकॉर्ड करता येईल.

यानंतर ‘डन’ बटणावर टॅप करुन शेअर करता येईल.

व्हॉइस ट्विटमध्ये युजर्स १४० सेकंदांपर्यंत ऑडिओ रेकॉर्ड करुन ट्विट करु शकतो.

जर ही मर्यादा ओलांडली तर नवीन व्हॉइस नोट सुरू होईल.

0/Post a Comment/Comments

Previous Post Next Post