वासुंदे येथे निलेश लंके प्रतिष्ठानच्या वतीने जिल्हास्तरीय कुस्ती आखाडा भाऊसाहेब महाराज यात्रा उत्सवानिमित्त जिल्हास्तरीय स्पर्धा स्व. पै. ...
वासुंदे येथे निलेश लंके प्रतिष्ठानच्या वतीने जिल्हास्तरीय कुस्ती आखाडा
भाऊसाहेब महाराज यात्रा उत्सवानिमित्त जिल्हास्तरीय स्पर्धा
स्व. पै. बाळासाहेब साळुंके यांच्या स्मरणार्थ प्रथम बक्षीस चांदीची गदा
वासुंद्यात भाऊसाहेब महाराज यात्रोत्सवानिमित्ताने जिल्हास्तरीय " निकाली कुस्तांचे आयोजन चांदीची गदासह हजारो रुपयांची कुस्तीपटूंसाठी बक्षीसेनिलेश लंके प्रतिष्ठान व वासुंदे ग्रामस्थांच्या वतीने आखाडा
पारनेर/प्रतिनिधी :
तालुक्यातील वासुंदे येथील ग्रामदैवत भाऊसाहेब महाराज यांच्या वार्षिक यात्रा उत्सव निमित्ताने जिल्हास्तरीय निकाली कुस्ती आखाडाचे आयोजन मंगळवार दिनांक २२ फेब्रुवारी रोजी दुपारी २ वाजता करण्यात आले असल्याची माहिती कोअर कमिटीचे सदस्य डॉ. उदय बर्वे, शरद झावरे व डॉ बाबासाहेब गांगड, अमोल उगले यांनी दिली आहे. निलेश लंके प्रतिष्ठान व वासुंदे ग्रामस्थांच्या वतीने प्रथमच वासुंदे गावात या जिल्हास्तरीय निकाली कुस्त्यांचे आयोजन करण्यात आले असून या कुस्ती आखाड्याचे उद्घाटन राष्ट्रवादी काँग्रेस आमदार निलेश लंके यांच्या हस्ते दुपारी २ वाजता होणार आहे.
या आखाड्यात स्व.पै. बाळासाहेब रामभाऊ साळुंके व स्व.पै. विलास रामभाऊ साळुंके यांच्या स्मरणार्थ पै. सतिष,अविनाश, ऋषिकेश, विघ्नेश साळुंके यांच्याकडून निकाली कुस्तीस प्रथम बक्षीस चांदिची गदा पैलवानास देण्यात येणार असल्याचे पैलवान अनिल हिंगडे पैलवान गणेश शिरतार व पैलवान दत्ता जगदाळे यांनी दिली आहे. वासुंदे येथील न्यू इंग्लिश स्कूल समोरील या पटांगणात निकाली कुस्त्यांचे आयोजन मंगळवारी करण्यात आले आहे.
या निकाली कुस्ती आखाड्या मध्ये राज्यातील जिल्ह्यातील अनेक नामवंत पैलवानांची कुस्ती या आखाड्यात लावण्यात आली असून हजारो रुपयांची बक्षिसे ठेवण्यात आलेली आहे. या उद्घाटन कुस्ती : (१) पै. प्रविण बिडकर (मांडवे) X पै.विक्रम पवार (पारनेर) (२) पै. विकी काकडे (आळेफाटा) पै.साई हुबाळे (पारनेर) लावली जाणार आहे.
या निकाली कुस्तीचा यामध्ये प्रथम क्रमांकासाठी आमदार निलेश लंके यांच्या वतीने ३३ हजार ३३ हजार रुपये बक्षीस तर दुसऱ्या क्रमांकाच्या कुस्तीसाठी लंके प्रतिष्ठानचे उपाध्यक्ष बाळासाहेब खिलारी, दत्तात्रय निवडूंगे व किरण तराळ यांच्यावतीने २१ हजार ३३३ रुपये बक्षीस ठेवण्यात आले तर तृतीय क्रमांकासाठी बाजार समिती उपसभापती विलासराव यांच्या वतीने १५ हजार ३३३ तर तृतीय क्रमांकासाठी माजी सरपंच प्रतापराव पाटील यांच्या वतीने११ हजार ३३३ ग्रामपंचायत सदस्य पो. द. साळुंके यांच्या वतीने पाचव्या क्रमांकासाठी क्रमांकासाठी समता मित्रमंडळाच्या वतीने ११ हजार रुपये ३३३ बक्षीसे देण्यात येणार आहे.
या निकाली कुस्त्यांचे आखाड्यामध्ये महाराष्ट्रातील व जिल्ह्यातील नामवंत पैलवान जोड यांची कुस्ती या खेड्यात लावण्यात आले असून कुस्ती निकाली केलं तरच इनाम देणार असल्याची घोषणा आयोजकांनी केली आहे. त्यामुळे वासुंदे गावातील निकाल कुस्ती पाहण्याची पर्वणी कुस्ती प्रेमींना यानिमित्ताने मिळणार आहे.
आखाड्यात कुस्ती निवेदकासह सैराट हलगी कडाडणारर..
पारनेर तालुक्यातील वासुंदे येथील ग्रामदैवत श्री भाऊसाहेब महाराजांच्या वार्षिक यात्रा उत्सव निमित्ताने निकाली कुस्त्यांच्या आखाड्याचे आयोजन मंगळवारी करण्यात आली असून प्रसिद्ध कुस्ती निवेदक पैलवान अक्षय मुळूक म्हणून काम पाहणार आहे. तर दुसरीकडे या निकाली कुस्त्यांचे आखाड्यात सैराटची हलगी पण जोरदार कडाडणार आहे. तर दुसरीकडे या आखाड्यात कुस्तीची उपासना करणाऱ्या माजी पैलवानाचा पण सन्मान केला जाणार असल्याची माहिती डॉ उदय बर्वे व शरद झावरे यांनी दिली आहे.
COMMENTS