संत रोहिदास चर्मोद्योग व चर्मकार विकास महामंडळाच्या योजनांच्या लाभासाठी अर्ज करण्याचे आवाहन

अहमदनगर, दि.27 जुन (जिमाका वृत्तसेवा) - सामाजिक न्याय व विशेष सहाय्य विभागांतर्गत कार्यरत असलेल्या संत रोहिदास चर्मोद्योग व चर्मकार विकास मह...

अहमदनगर, दि.27 जुन (जिमाका वृत्तसेवा) - सामाजिक न्याय व विशेष सहाय्य विभागांतर्गत कार्यरत असलेल्या संत रोहिदास चर्मोद्योग व चर्मकार विकास महामंडळ मर्या. अहमदनगर यांच्यामार्फत चर्मकार समाजाच्या व्यक्तींसाठी सन २०२३-२४ या वर्षासाठी केंद्र शासनाच्या एन.एस.एफ.डी.सी. यांच्या मार्फत मुदती कर्ज योजना, लघुऋण वित्त योजना, महिला समृद्धी योजना शैक्षणिक कर्ज योजना राबविण्यात येत आहेत. लाभार्थ्यांनी आवश्यक कागदपत्रांसह अर्ज करण्याचे आवाहन महामंडळाच्या जिल्हा व्यवस्थापकांनी प्रसिद्धी पत्रकारद्वारे केले आहे.

            अर्जासोबत लाभार्थ्याचे उद्योग आधार प्रमाणपत्र, शॉप अॅक्ट लायसन्स किंवा ग्रामपंचायत ना हरकत दाखला, लाभार्थ्यांचा विनंती अर्ज कागदपत्रे खरी असल्याबाबत व ज्या जागी व्यवसाय चालू त्याच जागेचा प्रमाणित केलेले छायाचित्र, जातीचा दाखला, रेशन कार्ड, शाळा सोडल्याचा दाखला (वयाच्या पुराव्याकरीता), चालू वर्षांचा उत्पन्नाचा दाखला (तहसिलदार यांनी दिलेला), रहिवाशी दाखला, दोन सक्षम जामीनदारांपैकी नोकरदार असेल तर त्याच्या कार्यालयाचे लाभाथ्याने वसूलीचा भरणा केला नाही तर जामीनदाराच्या पगारातुन कपात करून भरणा करण्यात येईल असे कार्यालयाचे हमीपत्र (विहीत नमुन्यात शपथपत्र), जर लाभार्थ्याचा जामीनदार शेतकरी असेल तर ७/१२ उतारा, आधार कार्ड व विहीत नमुन्यात शपथपत्र, लाभार्थ्याचा सिबील क्रेडीट स्कोअर रिपोर्ट, अर्जदाराचे वारसदाराच्या स्वाक्षरीसह नामांकन शपथपत्र, लाभार्थ्याचा आधार कार्ड क्रमांक तसेच आधार सलग्न (LINK) बँक खाते क्रमांक व पॅन कार्ड, जी.एस.टी. क्रमांकासह व्यवसायाचे दरपत्रक, प्रकल्प अहवाल (Project Report), अर्जदाराचे विहीत नमुन्यातील शपथपत्र इत्यादी कागदपत्रे दाखल करावीत. या शासकीय योजनेचा लाभ जास्‍तीत-जास्‍त अर्जदारांनी घ्‍यावा असेही प्रसिध्‍दी पत्रकान्‍वये कळविले आहे.