अण्णा हजारेंच्या संस्थांचा माहिती देण्यास नकार; माहिती अधिकार कायदा लागू नसल्याचा दावा

अण्णा हजारेंच्या संस्थांचा माहिती देण्यास नकार माहिती अधिकार कायदा लागू नसल्याचा दावा पारनेर प्रतिनिधी : तालुक्यातील राळेगणसिद्धी येथील...

अण्णा हजारेंच्या संस्थांचा माहिती देण्यास नकार

माहिती अधिकार कायदा लागू नसल्याचा दावा

पारनेर प्रतिनिधी :

तालुक्यातील राळेगणसिद्धी येथील जेष्ठ समाजसेवक अण्णा हजारे संचलित काही सार्वजनिक संस्थांनी आम्हाला माहिती अधिकार कायदा लागू नसल्याचे पत्र  पाठवून माहिती देण्यास नकार कळवला असल्याची घटना नुकतीच घडली आहे . याबाबतची  अधिक माहिती अशी की, पारनेर तालुक्यातील निघोज येथील लोकजागृती सामाजिक संस्थेच्या वतीने माहिती अधिकार कार्यकर्ते रामदास घावटे यांनी ज्येष्ठ समाजसेवक अण्णा हजारेंच्या राळेगणसिद्धी येथील भ्रष्टाचार विरोधी जनआंदोलन न्यास , स्वामी विवेकानंद कृतज्ञता ट्रस्ट,  हिंद स्वराज ट्रस्ट व आदर्श ग्रामीण सहकारी पतसंस्था यांच्याकडे  माहिती मागवली होती .  परंतु या चारही संस्थांनी आमच्या संस्थांना शासकीय अनुदान प्राप्त होत नसल्याने माहिती अधिकार कायदा २००५  चे प्रकरण २  मधील पोट ( कलम ३ ' ज ' ) नुसार  आम्ही या कायद्याच्या कक्षेत बाहेर असल्यामुळे माहिती देता येणार नसल्याचे कळवले आहे . 

याशिवाय येथील ग्रामपंचायत कार्यालय व 

श्री . संत  यादवबाबा शिक्षण प्रसारक संस्थेकडेही माहीती मागविण्यात आली आहे .  एखाद्या संस्थेला किंवा शासकीय आस्थापनेला माहिती

 नाकारायची असेल तर माहिती मागणाऱ्याला तसे पत्र पाठवून नकार देण्याची कायद्यात तरतूद आहे .  व नकार देताना आपण यावर  समाधानी नसाल तर अपिल दाखल करण्याची मुभा देखील ठेवली जाते . , परंतु या  संस्थांकडून मिळालेल्या पत्रात अपिलाची  देखील संधी देखील ठेवण्यात आलेली नाही . परंतु , तरीही देखील अपिल  दाखल करण्यात आलेले आहे . लवकरच या अपिलावर  सुनावणी होणार असल्याचे घावटे यांनी सांगितले .  

   माहीती अधिकाराचे जनक असणारे व  देशभर भ्रष्टाचार मुक्ती व पारदर्शकतेचा डांगोरा पिटणारे  अण्णा हजारे यांनीच  त्यांच्या संस्थांची  माहिती नाकारून माहीती अधिकार  कायद्याला हरताळ फासला आहे .  माहितीचा अधिकार कायदा सर्वात प्रथम अण्णा हजारे यांच्या आंदोलनानंतर महाराष्ट्रात लागू करण्यात आला होता .  त्यानंतर केंद्र सरकारने तो  देशभर लागू केला होता .  गेल्या काही वर्षांपासून माहिती अधिकार कायद्यामुळे शासन - प्रशासन , वित्तीय व सार्वजनिक संस्था यांच्या कारभारात पारदर्शकता येण्यासाठी मदत झाली आहे . परंतु आता हा  कायदा करायला भाग पाडणारे  अण्णा  हजारे यांनाच तो  नकोसा वाटू लागला असल्याचे घावटे यांनी दिलेल्या प्रसिद्धी पत्रकात म्हटले आहे .

 संशय बळावला .... !
 पारनेर पोलिस ठाण्यात फसवणूकिचा  गुन्हा दाखल  झालेले  टँकर घोटाळ्यातील आरोपी हे  राळेगणसिद्धीतील आहेत व त्यातील काहीजन   अण्णा हजारे  यांच्यासोबत या संस्थांमध्ये पदाधिकारी आहेत . टँकर घोटाळ्यातील अपहाराची काही  रक्कम  या संस्थांमध्ये वळती  झाली असल्याचा  आम्हाला संशय आहे. तसेच माहीती मागवलेल्या  सहकारी पतसंस्थेमध्ये  आरोपींचे दैनंदिन आर्थिक व्यवहार व कर्ज प्रकरणे असल्याचे समजते . त्यामुळे आम्ही ही माहिती टँकर घोटाळ्याशी संबंधीत  पुरावे मिळवण्यासाठी  मागवली होती , परंतु ती देण्यात आलेली नाही त्यामुळे याबाबतचा  आमचा संशय आता अधिक बळावला आहे .
रामदास घावटे
 माहिती अधिकार कार्यकर्ते